01- அக்டோபர் - 2012 முதல் வருகை புரிந்த நண்பர்களின் எண்ணிக்கை

என்னை தொடர்பவர்கள்

உங்களுக்கு ஜாதக பலன் வேண்டும் எனில் நீங்கள் உங்கள் பெயர் , பிறந்த தேதி, பிறந்த நேரம்(AM/PM) , பிறந்த ஊர் இவற்றை எழுதி அனுப்புங்கள்- கேள்வியை கண்டிப்பாக எழுதுங்கள் பலனை பெறுங்கள் அனுப்ப வேண்டிய முகவரி kalai.hinduism@gmail.com நான் தற்சமயம் வெளியில் இருப்பதால் தபால்/ ஈமெயில் மூலம் தொடர்பு கொள்ளவும் கட்டண சேவைக்கும் இதை கிளிக் செய்யுங்கள்

Tuesday, December 17, 2013

M G RAMACHANDRAN TAMILNADU CHIEF MINISTER - HOROSCOPE புரட்சிதலைவர் எம் ஜி ராமச்சந்திரன் ஜாதகம் - - இதயதெய்வம்


திரு M G R அவர்கள் 17 சனவரி 1917 இல் மணி 9:15 AM  இக்கு பிறந்து உள்ளார்.

இவர் தமிழகத்தை முதல் மந்திரியாக  மிக நல்ல முறையில் ஆண்டார் என்பதை   பலர் உணர்வார். மதிய உணவு திட்டம் இதில் மிக சிறந்தது.

லக்னாதிபதி சனி 6- ம் வீட்டில் இருந்தான் - வாழ்க்கையின் முற்பகுதிதியில் போராட்டத்தையும் ஏழ்மையையும் சந்திக்க வைத்தான்.

2 - ம் அதிபதி குரு மூன்றாம் வீட்டில் இருந்து லாப வீட்டில் இருக்கும் கலைக்குரிய காரகன் சுக்கிரனை பார்த்தான் கலைத்துறையில் லாபங்களை கொடுத்தான்.

3 - ம் அதிபதி 12 - ல் உச்சம் பெற்றான் . வீரம் கொடுத்தான். 4 - ம் அதிபதி சுக்கிரன்  11 - ம் வீட்டில் அமர்ந்தான் நல்ல தாயை கொடுத்தான். மற்றும் அறிவும் நிரம்ப கொடுத்தான்.

4 - ம் அதிபதி சுக்கிரன் ராகு என்ற பாவியுடன் கூடி நிற்பதாலும் 6 - ம் அதிபதி சந்திரன் 9 - ம் வீட்டில் நிற்பதாலும் இவரின்  தந்தை பாதியிலேயே தாயை விட்டு பிரிந்து வேறு ஒருத்தியுடன் குடும்பம் நடத்தினார்.

கடுமையான புத்திர தோஷம் :

5 - ம் வீட்டில் கேது அமர்ந்தான் , 5- ம் அதிபதி புதன் 12- ல் மறைந்தான். ( நவம்சதிலும் புதன் நீச்சம் ). ஒரு குழந்தைகூட இல்லாத நிலை கொடுத்தான். ஆகையால் இவருக்கும் இவரது மனைவிக்கும் குழந்தை ஏதும் பிறக்கவில்லை.

ஜானகி தனது முதல் கணவரை விவாகரத்து செய்துவிட்டு இவரை மணந்தார். ஜானகிக்கும் முதல் கணவனுக்கும் பிறந்த குழந்தையையே தங்களது குழந்தையாக தத்து எடுத்து கொண்டார்.

ஐந்தாம் வீட்டில் கேது இருந்ததால் புத்திர பாக்கியத்தில் கெடுதல்  கொடுத்தாலும் யோககாரன் சுக்கிரனின் பார்வை பெற்று பலம் பெற்று இருப்பதால் சாம்ராஜ்யத்தை உருவாக்குமாறு செய்தது. தன்னால் பிள்ளை பெறமுடியாமல் போனாலும் யோககாரன் சுக்கிரன் பார்வை இருந்ததால்  பல பிள்ளைகளை தத்து எடுத்து கொண்டார். ஜானகியின் உறவினர் குழந்தைகளையும் தத்து எடுத்தார்.

6 - ல் சனி பகவான் நின்றான் . எதிரிகளை வெற்றி கண்டார்.

கடுமையான களத்திரதோஷம்: 

7 - ம் அதிபதி சூரியன் 12 - ல் மறைந்தான் மேலும் உச்சம் பெற்ற செவ்வாயுடன் கூடினான் இரண்டு மனைவியை மணம் முடித்து இருவரும் இறந்தார்கள்.  7 - ம் அதிபதி விரைய ஸ்தானத்தில் மறைந்ததின் விளைவும் சனியின் பார்வை கடகத்தில் இருந்து ஏழாம் அதிபதி சூரியன் மீது  விழுந்ததும் இந்த அமைப்பை கொடுத்தது.

ஏழாம் வீட்டை பார்க்கும் குரு மூன்றாவது மனைவியை அமைத்து கொடுத்தான் .

இப்படி மண வாழ்வில் சோதனைகளை சந்திக்க காரணம் சுக்கிரனுடன் கூடி ராகு ராசியில் நிற்கிறான். நவம்சதில் சுக்கிரனுடன் கேது கூடி நிற்கிறான். இந்த அமைப்பால் பல  சோதனை கொடுத்தது.

விபரீத ராஜயோகம் : 

8 - ம் அதிபதி 12 -   ல் உச்சம் பெற்ற செவ்வாயுடன்  சேர்ந்தான். விபரீத ராஜயோகம் கொடுத்தான். ஏழை வீட்டில் பிறந்த மனிதனை முதலமைச்சராக்கி பார்த்தான் இந்த புதனும் செவ்வாயும்.

9 - ம் அதிபதி சுக்கிரன் ராகுவுடன் கூடினான் , 9-  ம் வீட்டில் ஆறாம் அதிபதி சந்திரன் அமர்ந்தான் , ஆகையால் தந்தையால் உபயோகம் இல்லாமல் போனது.

10 ம் அதிபதி  12 - ல் உச்சம் பெற்றான். பிறந்த நாட்டை விட்டு வெளியே வந்து யோகம் பெறுமாறு செய்தான்.( நாவலபிடியா என்ற இலங்கை யில் உள்ள ஊரில் பிறந்து தமிழ்நாட்டில் புகழோடு வாழ்ந்தார். )

10 ம் அதிபதி உச்சம் பெற்று  8 - ம் அதிபதி புதனுடன் சேர்ந்து  12 -இல்  நின்றான். ஆகையால் அண்ணாதுரை இறந்த உடன் இவர் அரசியலில் வெற்றி பெற்றார்.

பொதுவாக 10- ம் அதிபதி பலம் பெற்று  8 - ம் அதிபதியுடன் கூடினால் ஒருவரின் மறைவுக்கு பின்னால் முன்னேற்றம் கொடுக்கும் என்று ஜோதிட சாஸ்திரம் கூறுகிறது.

11- ம் அதிபதி குரு மூன்றாம் வீட்டில் அமர்ந்தான். மூன்றாம் வீடு கலையையும் இசையையும் குறிக்கும். ஆகையால் சினிமா துறையில் சீமானாக விளங்க செய்தான் இந்த குரு பகவான்.

 12 - ம் அதிபதி சனி  6 - ல் அமர்ந்தான் , எதிரிகளை வெற்றிகொள்ளுமாறு செய்தான். இவர் வாழும் வரை இவரை எதிர்த்து யாராலும் வெற்றி காண முடியவில்லை.

குரு திசை - சுக்கிரபுத்தி : சினிமா துறையில் புகுந்தார். குரு 2, 11 - க்கு அதிபதி கலைக்குரிய இடமாகிய   3 - ம் வீட்டில் இருக்கிறார். மேலும் லாப வீட்டில் நிற்கும் சுக்கிரனை பார்வை செய்கிறார். தொழில் காரகன் செவ்வாய் உச்சம் பெற்று குரு பார்வை செய்கிறார். இப்படி பலமான அமைப்பு மூன்றாம் இடத்திற்கும் சுக்கிரனுகும் உண்டானதால் கலை துறையில் நீங்கா புகழ் பெற்றார்.

புதன் திசை - சுக்கிர புத்தி : 1967  சட்டசபை தேர்தல் வெற்றி :

8 - ம் அதிபதி என்ற மறைவு கிரகமும் தொழில்காருகன்  என்று சொல்லப்படும் 10 - ம் அதிபதியும் இணைந்து பலம் பெற்றால் ஒருவரின் மறைவுக்கு பின்னால் பெரிய பதவி கிடைக்கும்.

இவரின் ஜாதகத்திலும்  8 - ம் அதிபதியும் புதன் மற்றும் 10 - ம் அதிபதி செவ்வாய் உச்சம் பெற்று பலம் பெற்றதால் அண்ணாதுரை இறந்த பின்னால் இவர் சட்டசபை தேர்தலில் மிக பெரிய வெற்றி பெற்றார்.

 8- ம் அதிபதி புதன்  12 - ல் இருந்தான் , ராஜயோகம் கொடுத்தான். யோககாரன் சுக்கிரன் லாபத்தில் இருந்து தனது புத்தியை நடத்தும் பொது இவரை பெரிய வித்தியாசத்தில் வெற்றி பெற வைத்தான்.

புதன் திசை  - செவ்வாய் புத்தி : 

1972 - ல் கருணாநிதியால் தி மு க - விலிருந்து வெளிஎற்றபட்டார் .

புதன்  8 - ம் அதிபதி 12 - ல் இருந்தான் , ராஜ யோகத்தை கொடுக்கவேண்டும். செவ்வாய்  10- ம் அதிபதி  12- ல் இருந்தான் , தொழில் ரீதியில் இட மாற்றம் கொடுக்க வேண்டும் . இந்த கிரகநிலையின் போது தான் தி மு க விலிருந்து வெளியே வந்து தனி கட்சி உருவாக்கினார்.

செவ்வாய்  12 -ல் இருந்ததால் இட மாற்றமும்  12 - ல் உச்சம் பெற்றதால் தனி கட்சியை ஆரம்பிக்கும் சக்தியையும் கொடுத்தது.

புதன் திசை குரு புத்தி : 1977 : முதலமைச்சர் ADMK

புதன் விபரீத ராஜயோகம் பெற்று உள்ளான். குரு லாபாதிபதி உச்சம் பெற்ற செவ்வாய் பார்வை பெற்று புத்தியை நடத்தினான். முதலமைச்சர் பதவியில் அமர்த்தினான்.

புதனை அடுத்து வந்த கேது திசை : கேது ஐந்தில் இருந்து பலம் பெற்றால் ஒன்று சாம்ராஜ்யம் அல்லது சன்னியாசம் கொடுப்பான். இவருக்கு சாம்ராஜ்யத்தையே உருவாக்கி கொடுத்தான்.

கேது திசை முடியும் வரை பலமாக இருந்தார்.

கேது திசை குரு புத்தி :

குரு பகவான் ஆறாம் வீட்டில் சந்திரனின் பார்வையை பெற்று தனது புத்தியை நடத்தும் போது சிறு நீராக கோளாறு கண்டு பிடிக்கப்பட்டது.

சனி புத்தியும் ஆறாம் வீட்டில் இருந்து நடந்ததால் சிறுநீரக கோளாறு அதிகபட்டது.

சனி புத்தியை தொடர்ந்து எட்டாம் அதிபதி புதன் மறைவு வீடான 12 - ல் இருந்து நடந்த போதும் உடல்நிலை படுத்த படுக்கை ஆனது.

சுக்கிர திசை சுக்கிர புத்தி : மரணம் 

சந்திரனுக்கு 8- ம் அதிபதி சுக்கிரன்  3 -ம் வீட்டில் இருந்து ராகு வுடன் கூடியதால் சிறுநீரக கோளாறு சம்பந்தமாக உயிர் பிரியும் நிலையும் ஏற்பட்டது .

24-12-1987 - மரணம் சம்பவித்தது.

நவாம்சதிலும் சுக்கிரன் கேது என்ற பாவியுடன் கூடி உள்ளார்.(சுக்கிரன் - சக்கரை , சிறுநீரகம், நீர் சம்பந்தப்பட்ட, கண் நோய் - போன்றவைக்கு காரகன் ) இவர் கண் நோய்க்கும் ஆளானார் என்பது குறிப்பிட தக்கது.

மேலும் பல பிரபல ஜாதகம் இங்கே             முன் பக்கம் செல்

Wednesday, November 20, 2013

OSAMA BIN LADEN HOROSCOPE - ஒசாமா பின் லாடின் தீவிர பக்திமான் - புரச்சியாளன் ஜாதகம் - விளக்கம் ஜோதிட மாமணி கலையரசன் காட்டுமன்னார்கோயில்


12 ம் அதிபதி லக்னத்தில் இருந்தான், பிறந்த ஊரை விட்டு வெளியேற வைத்தான். சௌதியில் பிறந்தார் சூடானில் குடியேறினார். அமெரிக்காவின் நெருக்கடியால் ஆப்கானில் இருதியாக குடியேறினார்.

4 - ம் அதிபதி சூரியன் பத்தாம் வீட்டில் பலம் பெற்றான் தீர்க்கமான  அறிவு கொடுத்தான்.சூரியனும் புதனும் இணைந்தான் அறிவு திறனை தெளிவாக கொடுத்தான். உலகமே தேடினாலும் கண்டுபிடிக்கமுடியாதபடி தன்னை எப்படி மறைத்து கொள்வது என்ற அளவுக்கு அறிவு தெளிவாக இருந்தது.

6 - ம் அதிபதி சுக்கிரன் 10 ம் வீட்டில் பலம் பெற்றான் . பல விரோதிகளை தொழில் ரீதியில் கண்டார் .இருபினும் ஆறாம் வீட்டில் இருக்கும் பாவி ராகு எதிரிகளுக்கு சிம்ம சொப்பனமாக விளங்க செய்தான்.

பத்தாம் அதிபதி சனி ஏழாம் வீட்டில் நின்றான் தொழில் ரீதியில் பல நண்பர்களை பெற்றார். உலக அளவில் பல காரியங்கள் செய்ய பல நம்பிக்கையான நண்பர்களை / கூட்டாளிகளை பெற்றார்.

ஒன்பதாம் அதிபதி சனி ஏழாம் வீட்டில் கேந்திரத்தில் பலம் பெற்றதாலும்  . 12 - ம் வீட்டில் கேது நின்றதாலும் தீவிர பக்தி மதத்தின் மீதும் கடவுள் மீதும் ஏற்பட்டது.

லக்னத்தில் பாவி செவ்வாய் இருக்கிறான் . ஏழாம் வீட்டில் மஹா பாவி சனி இருந்கிறான். இப்படி பாவிகள் சூழ்ந்து ஏழாம் வீட்டை கெடுத்து விட்டதால் ஆறு மனைவிகள் வரை மணந்து அனைவரையும் பிரியும் நிலை கொடுத்தது.

7 ம் அதிபதி செவ்வாய் 7 ம் வீட்டை பார்த்தான் .மணம் முடித்து வைத்தான். அதே செவ்வாய் 12 ம் வீட்டிற்கும் அதிபதி ஏழாம் வீட்டை பார்த்தான் . அணைத்து மனைவியையும் பிரித்தும் வைத்தான்.

தெய்வீக கிரகம் குரு ஐந்தாம் வீட்டில் பலம் , தெய்வீக கிரகம் சனி ஏழில் பலம் மற்றும் கேது மோட்ச ஸ்தானத்தில் உள்ளான். இப்படி தெய்வீகத்தை குறிக்கும் அணைத்து கிரகமும் பலம் பெற்று இருப்பதால் இவர் இறைவன் மீது மிகுந்த பற்று கொண்டார்.

இருபினும் இவரின் செயல்கள் பல அரசிற்கு எதிராக இருந்தது ஏன் ?

பத்தாம் வீட்டில் ஆறாம் வீட்டின் அதிபதி சம்பந்தம் இருந்து சுப கிரகத்தின் பார்வை இல்லாததால் செய்யும் செயல்கள் அனைத்தும் அரசிற்கு விரோதமாக இருந்தது.

பாக்கியாதிபதி சனி லக்னத்தை பார்த்தான் அணைத்து பாக்கியங்களுடனும் ராஜா வீட்டில் பிறந்தார் பாக்கியங்களுடன் வாழ்ந்தார்.

ஐந்தாம் அதிபதி பத்தாம் வீட்டில் இருந்தால் ஆன்மீக அறிவு மேலோங்கும் மேலும் திருப்பணி செய்வார். அதாவது கோவில் கட்டுவார் என்கிறது சாஸ்திரம். இவரும் கல்லூரில் படிக்கும் போதே மதத்தில் அதிக ஈடுபாடு செலுத்தியவர். இஸ்லாமியத்தை ஜிகாத் உடன் ஒப்பிட்டு பார்த்தார்.

மேலும் தனது குடும்ப சொத்தை பிரித்து முப்பது மில்லியன் டாலர் இவருக்கு சொத்தாக கிடைத்த பணத்தை முழுவதும் மதத்திற்கும் இஸ்லாமியத்தை பாதுகாக்க வேண்டும் என்று எண்ணி ஆரம்பித்த இயக்க செலவிற்கும் செலவு செய்தார் என்பது குறிப்பிட தக்கது.

மிக பெரிய பாவிகள் செவ்வாய் மற்றும் சனி . இவர்கள் ஒருவரை ஒருவர் பார்த்து கொண்டால் மனத்தில் நிம்மதி இருக்காது புரச்சியாலனை போல உருவாக்கும். அதே போல இவர் ஜாதகத்திலும் பலம் பெற்ற சனியும் செவ்வாயும் பார்த்து கொண்ட காரணத்தால் இவர் இஸ்லாமிய மதத்திற்கு ஒரு குறிப்பிட்ட மக்கள் தீங்கு இழைக்கிறார்கள் என்று எண்ணி தன்னை ஒரு புரட்சியாளனாக மாற்றி கொண்டார். இந்த எண்ணம்  செவ்வாய் - சனி பார்வையால் ஏற்பட்டது. மேலும் நவாம்சதிலும் செவ்வாய் மற்றும் சனி சேர்ந்து பலம் பெற்று உள்ளார்கள்.

மோட்ச ஸ்தான அதிபதி செவ்வாய் நவாம்சத்தில் உச்சம் பெற்று இருக்கின்ற காரணத்தால் தனது முழு சொத்தையும் மத ரீதியில் செலவிட்டார்.

மரணம் : புதன் திசை புதன் புத்தி : 2 மே  2011

எட்டாம் வீட்டில் பாவிகள் இல்லை (ராசியில் ) , நவாம்சத்தில் எட்டில் குரு இருக்கிறார்.. லக்னத்தில் இருக்கின்ற செவ்வாய் எட்டாம் வீட்டை பார்வை செய்கிறார். சுப கிரகம் குரு நொடி பொழுதில் மரணத்தை கொடுக்க வேண்டும் . செவ்வாய் பார்வை விபத்தில் மரணத்தை கொடுக்க வேண்டும்.

லக்னத்திற்கு இரண்டாம் அதிபதி புதன் ( ராசியில் ), லக்னத்திற்கு 12 ம் அதிபதி புதன் (நவாம்சதில் ), சந்திரனுக்கு ஏழாம் அதிபதி புதன்( நவாம்சத்தில் ).

இப்படி ஏழாம் வீட்டுடனும் இரண்டாம் வீட்டுடனும் அதிக சம்பந்தம் உள்ள புதன் மரணத்தை கொடுக்க கடமைபட்டுள்ளார்.( 2, 7 ம் வீட்டின் அதிபதிகள் மாரகாதிபதிகள் )

இப்படி மரணம் கொடுக்க கடமைப்பட்டுள்ள புதன் திசை புதன் புத்தியில் மரணம் சம்பவித்தது , நவாம்சத்தில் எட்டாம் வீட்டில் உள்ள குருவால்  மரணம் நொடி பொழுதிலும் , எட்டாம் வீட்டை செவ்வாய் பார்வை செய்ததால் விபத்தின் மூலமும் உண்டானது. ( அமெரிக்காவின் தேடுதல் வேட்டையில் ராணுவத்தால் நடு இரவில் சுடப்பட்டு கொல்லப்பட்டார் )

முதல் பக்கம் செல்            மேலும் பல பிரபல ஜாதகம் இங்கே

courtesy: Mr. Osama Bin Laden Date of birth and time birth taken from AStro theme -- thanks to Astrotheme

Monday, October 28, 2013

Bill Gates - World richest Man - Millionaire Horoscope - பில் கேட்ஸ் உலக மஹா பணக்காரன் - ஜாதகம் விளக்கம் -ஜோதிட மாமணி கலையரசன்


திரு பில் கேட்ஸ் அவர்கள் அமெரிக்காவில் உள்ள Seattle என்ற ஊரில்  28-10-1955 ம் ஆண்டு பிறந்தார்.

தாய் - தந்தை : 

நாலாம் அதிபதி சுக்கிரன் ஆட்சி பெற்று கேந்திரத்தில் இருக்கிறான். மேலும் ஏழாம் அதிபதி சனி நாலாம் வீட்டில் உச்சம் பெற்று இருக்கிறான். நீச்சபங்க ராஜயோகம் பெற்ற சூரியன் நாலாம் வீட்டில் இருக்கிறான். இப்படிப்பட்ட பலமான அமைப்பு நாலாம் வீடு பெற்று இருப்பதால் தாய் மிகவும் அந்தஸ்துடைய குடும்பத்தை சேர்ந்தவராக இருந்தார்.  First Interstate bancsystem- வின் இயக்குனராகவும் இருந்தார்.


ஒன்பதாம் அதிபதி குரு இரண்டாம் வீட்டில் இருக்கிறான். லக்னாதிபதி சந்திரன் ஒன்பதாம் வீட்டில் இருக்கிறான்.மேலும் சந்திரனுக்கு ஆறாம் வீட்டில் குரு இருக்கிறார். தந்தையை குறிக்க கூடிய சூரியன் கேந்திரத்தில் நீச்சபங்க ராஜ யோகம் பெற்று பலம் பெற்று இருக்கிறான். மேலும் நவம்சதில் சூரியன்  ஆறாம் வீட்டில் இருக்கிறான்.இருந்து குருவின் சுப பார்வை பெறுகிறான். ஆறாம் வீடு போலிஸ் காவல் மற்றும் நீதித்துறை இவற்றை குறிக்கும். ஒன்பதாம் அதிபதியும் சூரியனும் ஆறாம் வீட்டுடன் அதிக சம்பந்தம் பெற்று சுபகிரகத்தின் பார்வை பெற்றதால் தந்தை சிறந்த புகழ்பெற்ற வழக்கறிஞ்சராக பணியாற்றினார்.

கல்வி -அறிவு -கணணி துறை எப்படி ?

நாலாம் இடம் கல்வியை குறிக்கும் இரண்டாம் இடம் அறிவையும் மூன்றாம் இடம் கல்வி கற்கும் விருப்பத்தையும் குறிக்கும். இவர் ஜாதகத்தில் சுக்கிரன் சனி சூரியன் அனைவரும் பலம் பெற்றும் உச்சம் பெற்றும் நாலாம் வீட்டை பலம் படுத்தி இருகிறார்கள். மேலும் இரண்டாம் வீட்டில் அறிவு காரகன் குரு இருந்து அறிவை விருத்தி செய்தார்.மேலும் கல்வி காரகன் புதன் மூன்றாம் வீட்டில் உச்சம் பெற்று உள்ளார்கள்.

இப்படிப்பட்ட பலமான அமைப்பால் நல்ல கல்வி அமைந்தது.மேலும் கணணி துறை குறிக்கும் புதன் உச்சம் பெற்று வெற்றி ஸ்தானத்தில் உள்ளான் மேலும் புதன் மற்றும் ஞானகாரகன் கேது இருவரும் நவம்சதில் புத்தி ஸ்தானத்தில் உள்ளார்கள் இந்த அமைப்பினால் அறிவு கணணி துறையில் விருத்தி கொடுத்தது.

பொதுவாக புதன் உச்சம் பெற்றவர்கள் கணிதம் மற்றும் கம்பூட்டர் துறையில் கொடிகட்டி பறப்பார்கள்.

தொழில் ஏன் கணணி துறையில் அமைந்தது ?

பத்தாம் இடம் தொழில் ஸ்தானம் என்று அழைக்கபடுகிறது. இந்த பத்தாம் இடத்தின் அதிபதி செவ்வாய் உச்சம் பெற்ற புதனுடன் கூடி வெற்றி ஸ்தானத்தில் உள்ளார். மேலும் செவ்வாய் புதன் வீட்டில் நவாம்சத்தில் உள்ளார். இப்படி கம்பூட்டர் துறையை குறிக்க கூடிய புதன் உடன் கூடி தொழில் ஸ்தான அதிபதி பலம் பெற்று இருப்பதால் மிக பெரிய வெற்றி கம்பூட்டர் துறையில் கொடுத்தது.

உலக மகா பணக்காரன் :

ஒருவன் மிகபெரிய பணக்காரனாக ஆக வேண்டும் என்றால் 2,10,11 ம் இடத்தின் அதிபதிகள் மற்றும் அவர்கள் நவாம்சத்தில் இருக்கும் இடம் இவைகள் நன்றாக இருக்க வேண்டும். 

இவர் ஜாதகத்தை பார்க்கும் போது , இரண்டாம் இடத்தின் அதிபதி சூரியன் நீச்சபங்க ராஜயோகம் பெற்று உள்ளான். பத்தாம் அதிபதி செவ்வாய் மூன்றாம் இடம் என்று சொல்லப்படும் வெற்றி ஸ்தானத்தில் உள்ளான். செவ்வாய் இருக்க மிகவும் தகுதியான இடம் இது தான். மேலும் பதினோறாம் அதிபதி சுக்கிரன் கேந்திரத்தில் அமர்ந்து ஆட்சி பெற்று உச்சம் பெற்ற சனியுடன் கூடி நிற்கிறான். 

இப்படி லாபத்தை கொடுக்க கூடிய எந்த கிரகமும் மறையாமலும் நீச்சம் பெறாமலும் இருப்பது மிக பெரிய விஷயம்.

உலக மஹா பணக்காரனாக அறிவிக்கப்பட்ட வருடம் ?

1995 to 2009 வரை இவர் தான் உலகத்தின் மகா பண காரன் என்று அறிவிக்கப்பட்டது. சுக்கிர திசை சனி புத்தி நடை பெற்றது. சுக்கிரன் லாபத்தின் அதிபதி அவர் கேந்திரத்தில் இருந்து மேலும் பலம் பெற்று உள்ளார். மேலும் உச்சம் பெற்ற சனி உடன் கூடி இருக்கிறார். இந்த பலம் பெற்ற சனியும் சுக்கிரனும் இவரை உலகத்தின் முதல் பணக்காரன் என்ற அந்தஸ்தை கொடுத்தார்கள். சனியும் சுக்கிரனும் நெருங்கிய நண்பன் இவர்கள் யோகம் பெற்று இருப்பதால் பெரிய அளவில் இவரை கொண்டு சேர்த்தார்கள்.

கேது திசை குரு புத்தி : 1980 ம் ஆண்டு : 86-DOS அறிமுகபடுத்தினார்:

கேது ஞானகாரகன் அவன் லாபஷ்தானத்தில் இருக்கிறான். இது மிகவும் நல்ல அமைப்பு. மேலும் புத்தி காரகன் குரு புத்தி ஸ்தானம் என்று சொல்லப்படும் இரண்டாம் வீட்டில் இருக்கிறார். இப்படி குரு கேதுவும் ஒருவருக்கு ஒருவர் கேந்திரத்தில் இருந்து மேலும் பலம் பெற்று திசை புத்தியை நடத்திய போது தான் இவர் அறிவு பூர்வமாக தீவீர முயற்சியில் ஈடுபட்டு முதல் நிலை மென்பொருளை இந்த உலகிற்கு அறிமுகபடுதினார்.

சுக்கிர திசை சூரிய புத்தி : 1985 ம் ஆண்டு  Microsoft first Version launched :

சுக்கிரன் கேந்திராதிபதி இவர் கேந்திரத்தில் இருந்து உச்சம் பெற்ற சனியுடன் கூடியும் நிற்கிறார்.சூரியன் இரண்டாம் அதிபதி நாலாம் வீட்டில் பலம் பெற்று நீச்ச பங்கம் பெற்றும் இருக்கிறார். இந்த பலமான அமைப்பினால் மிக பெரிய சாதனையை செய்ய வைத்தது.

சுக்கிர திசை சந்திர புத்தி : பணக்கார வரிசையில் இடம் பெற்றார்: 1987 ம் ஆண்டு:

சுக்கிரன் லாபத்திற்கு அதிபதி அவர் கேந்திரத்தில் பலம் பெற்று இருக்கிறார். சந்திரன் லக்னாதிபதி இவர் பாக்கிய ஸ்தானம் என்று சொல்லப்படும் ஒன்பதாம் வீட்டில் இருப்பதால் மிக பெரிய நிலையை எட்ட வைத்தது. அதாவது Forbes Magazine வெளியிட்ட இதழில் 400 உலக பணக்கார வரிசையில் இவர் பெயரையும் வெளியிட்டார்கள்.

1-1-1994 சுக்கிர தசை குரு புத்தி : திருமணம் :

பொதுவாக ஏழாம் வீட்டுடன் சம்பந்தம் பெற்றவரும் குடும்ப ஸ்தானம் என்று சொல்லப்படும் இரண்டாம் வீட்டில் இருப்பவரும் மண வாழ்க்கை ஏற்படுத்துவார்கள்.

ஏழாம் அதிபதி சனி பகவான் ராகு செவ்வாய் போன்ற கடுமையான பாவிகளுக்கு மத்தியில் இருந்து பாவ கத்தரி தோஷம் பெற்று இருப்பதாலும் நவாம்சத்தில் லக்னத்தில் கேது மற்றும் ஏழாம் வீட்டில் ராகு நின்ற காரணத்தால் திருமணம் தாமதம் கொடுத்தது.

 ஏழாம் அதிபதி சனியுடன் கூடி நிற்கும் சுக்கிரன் திசையில் குடும்பஷ்தானத்தில் நிற்கும் குரு பகவான் புத்தி திருமணத்தை நடத்தி வைத்தார்.

குழந்தை பாக்கியம் : 1996 : சுக்கிர திசை சனி புத்தி :

சுக்கிரன் ஆட்சி , சனி உச்சம் . உச்சம் பெற்ற சனி பகவான் சந்திரனுக்கு ஐந்தாம் வீட்டை ராசியிலும் நவாம்சத்தில் வலிமையாக பார்வை செய்கிறார். பலமான கிரகம் ஐந்தாம் வீட்டை பார்வை செய்யும் போது அந்த கிரகத்தின் திசை புத்தியில் குழந்தை பாக்கியத்தை கொடுக்கும். அது போலவே அமைந்தது.

சுக்கிர தசை புதன் புத்தி : கருணை இல்லம் உருவாக்கம் : 2000 Charity - William H gates Foundation :

சுக்கிரன் ஆட்சி கேந்திரத்தில் இருந்து திசையை நடத்தும் போது பன்னிரெண்டாம் அதிபதி புதன் மூன்றாம் வீட்டில் உச்சம் பெற்று புத்தியை நடத்தும் போது இவரை தருமம் செய்ய வைத்தது.

பொதுவாக பன்னிரெண்டாம் இடம் வலிமையாகவும் நன்றாக அமைந்த பலர் தனது பெரும் பகுதி சொத்தை ஏழைகளுக்கு தானம் செய்வார்கள். இவர் வாழ்விலும் இந்த அமைப்பு கானபடுகிறது. பன்னிரெண்டாம் அதிபதி புதன் உச்சம்.

சந்திர திசை சனி புத்தி :

தற்போது இவருக்கு சந்திர தசை சனி புத்தி நடைபெறுகிறது. சனியும் சந்திரனும் வலிமை யுடன் உள்ளார்கள். இந்த திசை புத்தியிலும் இவர் நன்றாக பல லாபங்களை அனுபவிப்பார்.

ஆனால் கோச்சார ரீதியாக குரு நாலாம் வீட்டிலும் சனி எட்டாம் வீட்டிலும் இருந்து அஷ்டம சனியை நடத்துவதால் வாழ்க்கை கொஞ்சம் போராட்டமாகவும் அலைச்சல் மற்றும் சுக குறைவும் கொடுக்கும். உடல் நிலை கூட அவ்வபோது கெடும் அமைப்பு உண்டு.

மேலும் பல பிரபல ஜாதகம் இங்கே                            முதல் பக்கம் செல்

ஒசாமா பின் லாதின் ஜாதகம்

Thursday, October 17, 2013

Atal Bihari Vajpayee - Indian Prime Minister Horoscope analysis- Jothida mamani Kalaiarasan ; அடல் பிஹாரி வாஜ்பாய் இந்திய பிரதமர் ஜாதகம் - ஜோதிட மாமணி கலையரசன்


திரு அடல் பிஹாரி  வாஜ்பாய் அவர்கள் விருச்சிக லக்னம் விருச்சிக ராசியில் பிறந்து உள்ளார்கள்.

லக்னாதிபதி செவ்வாய் ஐந்தாம் வீட்டில் அமர்ந்து உள்ளார்கள் . ஆயுள் காரகன் சனி பகவான் உச்சம் பெற்று உள்ளார். எட்டாம் அதிபதி புதன் இரண்டாம் வீட்டில் அமர்ந்து ஆயுள் காரகன் சனியின் பார்வையை பெறுகிறார்.எட்டாம் வீட்டில் பாவிகள் இல்லை. இந்த அமைப்பால் தீர்க்காயுள்  கொடுக்கும்.


நாலாம் அதிபதி சனி பகாவான் உச்சம் பெற்றும் கல்வி காரகன் புதன் சூரியனுடன் கூடி புதாத்ய யோகம் உண்டாகி இருப்பதாலும் அறிவு ஸ்தான அதிபதி குரு இரண்டாம் வீட்டில் இருப்பதாலும் நல்ல கல்வி அறிவு கொடுத்தது. அதாவது ஹிந்தியிலும் ஆங்கிலத்திலும் சமஸ்க்ருததிலும் இவர் முதன்மை வகுப்பில்  ( DISTINCTION ) தேர்ச்சி பெற்றார்.  

அரசியல் வாழ்க்கை :

அரசியல் தொழிலை குறிக்கும் கிரகம் சூரியன் , இவரின் ஜாதகத்தில் பத்தாம் இடத்தின் அதிபதி சூரியனாகி அவர் இரண்டாம் வீட்டில் ஆட்சி பெற்ற குருவுடன் கூடி உச்சம் பெற்ற நாலாம் அதிபதி சனியின் பார்வையை பெற்று இருக்கிறான். குருவும் சனியும் ஒருவரை ஒருவர் பார்த்து கொண்டால் கண்டிப்பாக அவர் அரசியலில் ஒரு அங்கம் வகிப்பார். இவரின் ஜாதகத்திலும் நாலாம் வீட்டின் அதிபதி சனி பகவான் உச்சம் பெற்று பத்தாம் அதிபதி சூரியனையும் குருவையும் பார்வை செய்கிறார். இப்படி பட்ட அமைப்பால் இவர் அரசியலில் தனது செல்வாக்கை புகுத்தினார்.

B J P - பா ஜ க  - இல் புகுந்தார் :

1951 ம் ஆண்டு சுக்கிர திசை குரு புத்தி : சுக்கிரன் ஏழாம் அதிபதி லக்னத்தில் பாக்கியாதிபதியுடன் கூடி நிற்கிறான். குரு பகவான் அரசியல் காரகன் சூரியனுடன் கூடி இரண்டாம் வீட்டில் நின்று உச்சம் பெற்ற சனி பகவான் பார்வையை பெற்று நிற்கிறார்.

இந்த நேரத்தில் தான்  , சுக்கிரனும் சூரியனுடன் கூடி நிற்கும் குருவும் இவரை தீவிர அரசியலில் புகுத்தினார்கள் .

1975-1977 : அவசர சட்டம் : கைது  : செவ்வாய் திசை 

செவ்வாய் ஆறாம் வீட்டின் அதிபதி அவன் ஐந்தாம் வீட்டில் இருக்கிறான். இந்த அமைப்பு ஒருவரை சிறைசாலைக்கு எடுத்து செல்லும். அது போலவே செவ்வாய் திசை ஆரம்பம் ஆன உடனேயே இந்திரா காந்தியின் அவசர சட்டம் காரணமாக வாஜ்பாய் அவர்கள் கைது செய்ய பட்டார்கள்.

1977 ம் ஆண்டு - செவ்வாய்  திசை குரு  புத்தி : வெளியுறவு துறை அமைச்சர் :

இந்த செவ்வாய்  திசை குரு  புத்தி இவரை புனிதமான அரசியல்வாதி என்பதை வெளி காட்டியது. செவ்வாய் திரி கோணத்தில் இருக்கிறான், குரு இரண்டாம் வீட்டில் ஆட்சி பெற்று சனியின் பார்வையை பெறுகிறார்.. இந்த அமைப்பினால் இவர் தேர்தலில் வெற்றி பெற்று வெளியுறவு துறை அமைச்சர் ஆனார். மேலும் புதன் கல்வி மற்றும் அறிவு காரகன் இவன் சூரியனுடன் கூடி புதாத்ய யோகம் பெற்று இருப்பதால் இவர் பல சாதனைகளையும் செய்தார்.

ஐக்கிய யூனியனில் முதல் முறையாக ஹிந்தியில் உரையாற்றியவர் என்ற பெருமையை இந்தியாவிற்கு சேர்த்தார். மேலும் இவர் பேசுவதை பார்த்த நேரு , இவர் ஒரு ஒரு நாள் இந்தியாவை ஆள்வார் என்றும் பாராளுமன்றத்தில் கூறி வாஜ்பாய் இன் பெருமையை உலகிற்கு காட்டினார்.

ராகு திசை சுக்கிர புத்தி : 1996 : முதல் முறை பிரதமர் ஆனார் :

ராகு பாக்கியஸ்தானத்தில் இருக்கிறான். சுக்கிரன் ராசியிலும் நவாம்சதிலும் நல்ல நிலையில் இருக்கிறார். இந்த நேரத்தில் இவர் முதல் முறை பிரதமர் ஆனார். இருபினும் சுக்கிரன் பன்னிரெண்டாம் வீட்டிற்கும் அதிபதி ஆகையால்  முழுமையாக இருக்க முடியாமல் போனது.

ராகு திசை சந்திர புத்தி : 1998 -1999 : இரண்டாவது முறை பிரதமர் ஆனார் :

ராகு பாக்கியஸ்தானத்தில் இருப்பதாலும் சந்திரன் பாக்கியாதிபதியாக இருப்பதாலும் இவரை மீண்டும் நல்ல நிலைக்கு கொண்டு சென்றது.

குரு திசை : 1999 - 2004 : மூன்றாவது முறை பிரதமர் ஆனார் :

குரு ஐந்தாம் அதிபதி இரண்டாம் வீட்டில் ஆட்சி பெற்று உச்சம் பெற்ற சனியின் பார்வையை பெற்று இருக்கிறார்.இந்த குரு பகவான் இவரை ஐந்து ஆண்டு காலம் முழுமையாக ஆட்சி செய்யுமாறு செய்தார்.

குரு திசை ராகு புத்தி : (29 -06-2014 to 21-11-2016) :

குரு இரண்டாம் வீட்டில் இருப்பதாலும் ராகு இரண்டாம் வீட்டில் நிற்கும் புதனின் சாரத்தில் இருப்பதாலும் இவர்கள் திசை புத்தி மாரகதிக்கு ஒப்பான கண்டம் கொடுக்க கடமை பட்டு இருகிறார்கள். ஆகையால் உடல்நிலையில் மிகவும் கவனம் தேவை.

Thursday, August 29, 2013

kalai.hinduism@gmail.com , ராசிகளின் தன்மைகள் - நெருப்பு ராசிகள்--நீர் ராசிகள்--நிலம் ராசிகள் - காற்று ராசிகள்





மேஷம், சிம்மம் , தனுசு - நெருப்பு ராசிகள் 
ரிஷபம், கன்னி , மகரம் - நிலம் ராசிகள் 
மிதுனம், துலாம் , கும்பம் - காற்று ராசிகள் 
கடகம் , விருச்சிகம் , மீனம் - நீர் ராசிகள்.
மேஷம் , கடகம் , துலாம், மகரம் - சர ராசிகள் 
ரிஷபம், சிம்மம் , விருச்சிகம் , கும்பம் - ஸ்திர ராசிகள் 
மிதுனம் , கன்னி , தனுசு , மீனம் - உபய ராசிகள் .


Wednesday, August 28, 2013

அன்னை தெரசா ஜாதகம் - ஜோதிட மாமணி கலையரசன் ; MOTHER TERESA HOROSCOPE - Jothida Mamani Kalaiarasan; Malar Jothida Araichi Maiyam



அன்னை தெரசா அவர்கள் 26-08-1910 ஆண்டு 2:25 Pm நேரத்தில்  Skopje என்ற ஊரில் பிறந்தார்.

அவர் தனுசு லக்னம் மேச ராசியில் பிறந்து இருக்கிறார்.

லக்னாதிபதி குரு பகவான் கர்ம ஸ்தானம் என்று சொல்லப்படும் பத்தாம் வீட்டில் இருக்கின்றான்.பத்தாம் அதிபதி புதன் பத்தாம் வீட்டில் உச்சம் பெற்று இருக்கிறான்.

மோட்சத்தை கொடுக்க கூடிய கேது பகவான் விருச்சகத்தில் உச்சம் பெற்று மோட்ச ஸ்தானம் என்று சொல்ல படும் பன்னிரெண்டாம் வீட்டில் இருப்பதால் சிறு வயதில் இருந்தே ஆன்மீக வழியில் செல்லுமாறு செய்தது.


மேலும் நவாம்சதிலும் மோட்ச ஸ்தான அதிபதி குரு ஐந்தாம் வீட்டில் உச்சம் பெற்று மோட்ச காரகன் கேது உடன் கூடி நிற்பதும் ஆன்மீக துறையில் மிக பெரிய பதவி வகிக்கும் அமைப்பு கொடுத்தது.

ராசியில் சந்திரன் சனியுடன் கூடி நிற்பதாலும் நவாம்சத்தில் சந்திரன் சுக்கிரனுடன் கூடி நிற்பதாலும் சந்திரன் நீச்ச பங்க ராஜயோகம் பெற்று இருப்பதாலும் மனம் எப்போதும் கவலை உடனும் ஏழைகளை பற்றியும் பராமரிக்கபடாமல் விட பட்ட நோயாளிகள் பற்றியும் சிந்தித்து பொது தொண்டு செய்யுமாறு செய்தது.

முக்கிய நிகழ்வுகள்:

தந்தை மரணம் : சந்திர திசை செவ்வாய் புத்தி : 1919 

சந்திரன் எட்டாம் அதிபதி ஐந்தாம் வீட்டில் இருக்கிறான். மேலும் செவ்வாய் பன்னிரெண்டாம் அதிபதி ஒன்பதாம் வீட்டிலும் இருக்கிறான் சூரியனுடன் கூடியும் இருக்கிறான். பாவி செவ்வாய் தந்தை ஸ்தானத்தில் இருந்து தந்தைக்கு மரணத்தை கொடுத்து விட்டான்.

 மத வாழ்க்கை : சந்திர திசை கேது புத்தி : 1925 

பன்னிரெண்டாம் வீட்டில் இருக்கும் கேது பகவான் புத்தியில் இவர் மேற்கு வங்காளத்தில் செய்யப்படும் பொது தொண்டு பணியை கண்டு பூரிப்பு கொண்டு தன்னையும் பொது பணியில் ஈடுபடுத்தி கொள்ள முடிவு செய்து கொண்டார்.

தீவிர ஆன்மீகத்தில் ஈடுபாடு :  Aug 1928 : செவ்வாய் திசை ராகு புத்தி : 

செவ்வாய் பன்னிரெண்டாம் வீட்டிற்கு அதிபதி  அவர் ஒன்பதாம் வீட்டில் இருக்கிறார். மேலும் ராகு சூரியன் சரத்தில் இருக்கிறார். இருவருமே ஒன்பதாம் இடத்தில் சம்பந்தம் பெற்று இருந்ததால் தன்னை தீவிரமாக ஆன்மீகத்தில் ஈடுபடுத்தி கொண்டார்.

மேலும் ராகு சுக்கிரன் வீட்டில் இருக்கிறார். சுக்கிரன் ராசியிலும் நவாம்சதிலும் எட்டாம் வீட்டில் மறைந்து கிடக்கிறான். மேலும் ஏழாம் அதிபதி புதன் பாதகாதிபதி அவன் பத்தாம் வீட்டில் இருப்பதால் திருமணமே ஆகாத நிலை கொடுத்தது.

மேலும் நவாம்சதிலும் எட்டாம் அதிபதி செவ்வாய் ஏழாம் வீட்டில் இருக்கிறான். ஆகையால் திருமணம் இல்லாத நிலை கொடுத்தது.

இந்தியா வருகை : செவ்வாய் திசை குரு புத்தி : 1929

செவ்வாய் பன்னிரெண்டாம் அதிபதி ஒன்பதாம் வீட்டில் இருக்கிறான். மேலும் குரு உச்சம் பெற்று இருக்கிறார். பொதுவாக உச்சம் பெற்ற கிரகத்தின் புத்தி வெளிநாடு பயணத்தை கொடுக்கும்.

நான் கன்னியாகவே இருப்பேன் என்று சபதம் ( Nun ) : செவ்வாய் திசை சனி புத்தி 1931 :

செவ்வாய் மோட்ச ஸ்தான அதிபதி , சனி குடும்பாதிபதி , சந்திரன் எட்டாம் அதிபதி . சனி எட்டாம் அதிபதியுடன் இணைந்ததால் குடும்ப வாழ்வு இல்லை என்று ஆனது.

கன்னியாகவே இருப்பேன் என்று சபதம் எடுக்கும் நிலை ஏற்பட்டது.

ஆசிரியர் பணி :

பத்தாம் வீட்டில் குரு இருக்கிறார்.கூடவே உச்சம் பெற்ற புதனும் இருக்கிறார். குரு போதனை மற்றும் ஆசிரியர் தொழில் கொடுப்பான். மேலும் உச்சம் பெற்ற புதன் இருப்பதால் நல்ல ஆசிரியர் என்ற பெயரும் எடுத்தார்.

தலைமை ஆசிரியர் : ராகு திசை புதன் புத்தி : 1944

ஆறாம் வீட்டில் உள்ள ராகு முன்னேற்றத்தை கொடுப்பான். மேலும் ராகு சூரியன் சாரத்தில் இருக்கிறான். சூரியன் ஆட்சி பெற்று ஒன்பதாம் வீட்டில் இருக்கிறான்.புதன் பத்தாம் வீட்டில் உச்சம் பெற்று இருக்கிறான். இந்த அமைப்பினால் தலைமை ஆசிரியர் என்ற பதவி கொடுக்கப்பட்டது.

ராகு திசை சூரிய புத்தி : 1949 : ஏழைகளுக்கு சேவை செய்ய முடிவு

ஆறாம் வீட்டில் உள்ள ராகு முன்னேற்றத்தை கொடுக்க வேண்டும். மேலும் சூரியன் பாக்கியாதிபதி ஆட்சி பெற்று இருக்கிறான். மேலும் பன்னிரெண்டாம் அதிபதி செவ்வாயும் கூடி நிற்கிறான். இந்த அமைப்பு அவரை பலமான ஆன்மீக வழியிலும் சேவை செய்யும் மனத்தையும் கொடுத்தது.

சனி திசை ராகு புத்தி : 1983: முதல் மாரடைப்பு :

சனி நீச்சம் பெற்று ஐந்தாம் வீட்டில் இருக்கிறான். மேலும் எட்டாம் அதிபதியுடன் கூடி நிற்கிறான். மேலும் ராகு ஆறாம் வீட்டில் இருக்கிறான். ஐந்தாம் வீடு இதயத்தை குறிக்கும். இங்கே நிற்கும் நீச்சம் பெற்ற சனி இதயத்தை கெடுத்தான். மேலும் ராகுவும் சனிக்கு இரண்டில் இருந்து புத்தி நடைபெறுவதால் நோய் நொடி கொடுத்தான்.

புதன் திசை புதன் புத்தி : 1989 : இரண்டாவது மாரடைப்பு :

புதன் தனுசு லக்ன காரர்களுக்கு மகா பாவி . மேலு  பாவி புதன் கேந்திரத்தில் பத்தாம் வீட்டில் உச்சம் பெற்று பலம் பெற்று இருக்கிறான். பாவி பலம் பெறுவது நல்லது இல்லை.

பலம் பெற்ற மஹா பாவி புதன் லக்னாதிபதி குருவுடன் கூடி நிற்பதால் உடல்நிலையை பாதிக்க கடமை பட்டு இருக்கிறான்.  ஆகையால் இரண்டாவது மாரடைப்பு கொடுத்து படுத்த படுக்கை ஆக்கி விட்டான்.

புதன் திசை செவ்வாய் புத்தி : 1996 : மேலும் உடல்நிலை மோசம்

பலம் பெற்ற பாவி புதன் திசை பன்னிரெண்டாம் இடத்தின் அதிபதி செவ்வாய் ஒன்பதில் இருந்து முன்னேற்றத்தை குறைத்தான்.

புதன் தசை ராகு புத்தி : 1997 : பதவி விட்டு வெளியேறினார்.

பாவி புதன் திசையில் ராகு புத்தி ராகு சுக்கிரன் வீட்டில் இருக்கிறான். சுக்கிரன் எட்டாம் வீட்டில் இருக்கிறான்.

எட்டாம் வீட்டில் இருப்பவன் இறக்கத்தை கொடுப்பான்.


மரணம் : பாவியின் திசையில்  சந்திரனுக்கு இரண்டில் நிற்கும் ராகு மரணம் கொடுக்க கூடிய தகுதி பெற்று இருப்பதால் மரணத்தை கொடுத்து விட்டான்.

கட்டண சேவை                                                  பிரபல ஜாதகங்கள்

Wednesday, August 14, 2013

சுதந்திரதினம் - தேச தந்தை மகாத்மா காந்தி - ஜாதகம் ஜோதிட விளக்கம் - ஜோதிட மாமணி கலையரசன் , INDEPEDANCE DAY FATHER OF INDIA MAHATMA GANDHI HOROSCOPE - JOTHIDA MAMANI KALAIARASAN -Malar Jothida Araichi Maiyam

இந்திய தேசத்தின்  தந்தை மகாத்மா காந்தி அவர்களின் ஜாதகத்தை ஜோதிட ரீதியில் ஆராய்ந்து பார்த்ததில் கண்ட உண்மைகள்....



மகாத்மா காந்தி அவர்கள் துலாம் லக்னம் சிம்மராசி யில் பிறந்து இருக்கிறார்.

ஆத்மாவை குறிக்கும் கிரகம் சூரியன் அவன் மோட்சஸ்தானம் என்று சொல்லபடுகின்ற 12 ம் வீட்டில் இருக்கிறான்.மேலும் தெய்வீக கிரகம் குரு வின் பார்வையை சூரியன் பெறுகிறான். 

மேலும் சந்திரனுக்கு பத்தாம் வீட்டில் தெய்வீக கிரகம் குரு இருக்கிறார். ஆகையால் ஆன்மீக சிந்தனை வலிமையாக இருந்தது.


நவாம்சத்தில் குரு பகவான் நீச்சம் பெற்று இருக்கின்ற காரணத்தால் அவ்வபோது இந்து மதத்தில் இருக்கின்ற சில பழக்கவழக்கத்தை மாற்றி தன்னுடைய சிந்தனையை புகுத்தவும் செய்தது.

லக்னத்தில் செவ்வாய் இருக்கின்ற காரணத்தாலும் லக்னத்திற்கு இரண்டு பக்கமும் இயற்கை பாவிகள் சனியும் சூரியனும் இருந்து பாவகத்தரி தோஷம் உண்டாகி இருப்பதாலும் உடலில் எப்போதும் ஒரு சூடு இருக்கும் சூடு சம்பந்தப்பட்ட நோய் இருந்து இருக்கும். மேலும் செவ்வாய் ஒரு ரத்த கிரகம் ஆகையால் ரத்தம் சம்பந்த பட்ட நோய் இருந்து இருக்கும்.

மன போராட்டம் ஏன் ?

சந்திரன் மனத்தை குறிக்கின்ற கிரகம் அவன் பாவ கிரகம் சனியினால் பார்க்கபடுகின்றான் மேலும் சந்திரனுக்கு இரண்டு பக்கமும் பாவிகள் ராகுவும் சூரியனும் இருந்து பாவ கத்தரி தோஷத்தை உண்டாக்கி இருக்கின்ற காரணத்தால் மனம் எப்போதும் ஒரு போராட்டத்தில் இருந்ததை உணர முடிகிறது.

ஆன்மீக சிந்தனைக்கு காரணம் என்ன?

ஆத்மா வை சுமந்து வருபவன் சூரியன் அவன் மோட்சஷ்தானத்தில் இருந்து தெய்வீக கிரகம் குரு வின் பார்வையை பெறுவதாலும் சந்திரனுக்கு பத்தில் குரு இருப்பதாலும் பலமான ஆன்மீக சிந்தனை கொடுத்தது.

Sunday, August 11, 2013

GEORGE W BUSH - 43 AMERICAN PRESIDENT HOROSCOPE ANALYSIS - JOTHIDA MAMANI KALAIARASAN - Malar Jothida maiyam



திரு ஜார்ஜ் W புஷ் அவர்கள் அமெரிக்காவின் 43 வது குடியரசு தலைவராக பதவி ஏற்றார். இவரின் ஜாதகத்தை பார்த்ததில் பாக்கியாதிபதியின் முக்கியத்துவம் தெரிகிறது.

6 ஜூலை 1946 இவர் அமெரிக்காவில் நியூ ஹவேன் என்ற ஊரில் காலை 7: 26  மணிக்கு பிறந்து இருக்கிறார் .

இவர் ஜாதகத்தை பார்த்த உடனேயே தெரிவது லக்னாதிபதி சந்திரன் பாக்கியாதிபதி குருவுடன் கூடி வெற்றி ஸ்தானம் என்று சொல்லப்படும் மூன்றாம் வீட்டில் இருந்ததால் இவர் பல வெற்றிகளை கண்டார் .


மேலும் குரு பகவான் இவருக்கு பாக்கியத்தை மட்டும் கொடுக்க வில்லை . குரு பகவான் ஆறாம் வீட்டிற்கும் அதிபதியாக இருப்பதால் பெரிய கடினமான எதிரிகளை சந்திக்கவும்  செய்தார். இந்த அமைப்பினால் பல யுத்தங்களை சந்தித்தார். ஆப்கானிஸ்தான் மற்றும் ஈராக் போன்ற நாடுகளில் யுத்தம் மூண்டது.

ஆரம்ப கல்வி : நாலாம் அதிபதி சுக்கிரன் லக்னத்தில்  உள்ளான். லக்னத்தில் புதன் இருக்கிறான் .இந்த காரணத்தினால் இவருக்கு கல்வி அறிவு தடை இல்லாமல் கிடைத்தது.

இருபினும் இரண்டாம் அதிபதி சூரியன் பண்ணிறேண்டில் மறைந்ததால் இவரை  ஒரு சராசரி மாணவனாக இருக்குமாறு செய்தது.

ஒன்பதாம் அதிபதி குரு மூன்றாம் வீட்டில் இருந்து கொண்டு ஒன்தாம் வீட்டை பார்வை செய்கிறார். இந்த அமைப்பினால் இவர் MBA பட்டப்படிப்பையும் படித்து முடித்தார்.

அமெரிக்கா குடியரசு தலைவர்களில் இவர் ஒருவர் மட்டுமே MBA படித்தவர் என்பது குறிப்பிட தக்கது. பாக்கியாதிபதி குரு ஒன்பதாம் வீட்டை பார்ப்பதால் இந்த நிலை ஏற்பட்டது 

1977 குரு திசை புதன் புத்தி : திருமணம் : 

ஒன்பதாம் வீட்டு அதிபதி குரு மூன்றில் அமர்ந்து ஏழாம் வீட்டை பார்கிறார் , புதன் லக்னத்தில் அமர்ந்து ஏழாம் வீட்டை பார்க்கிறான் . இந்த அமைப்பின் போது தான் இவருக்கு திருமணம் நடந்தது.

ஏழாம் அதிபதி சனி லக்னத்தில் இருப்பதால் தனக்கு தெரிந்த பழகிய பெண்ணையே மணந்து கொள்ளும் அமைப்பு கொடுத்தது.

Wednesday, July 24, 2013

ஸ்ரீ ஆதி சங்கராச்சார்யா ஜாதகம் - ஜோதிட மாமணி கலையரசன் , SRI ADI SANKARACHARYA HOROSCOPE - JOTHIDA MAMANI KALAIARASAN - Malar Jothida Nilayam

இந்து மத வரலாற்றில் மிக பெரிய சமாப்தமாக விளங்கிய ஸ்ரீ ஆதி சங்கராச்சார்யா அவர்களின் ஜாதகத்தை ஆராய்ந்ததில் கண்ட உண்மைகள் ...



லக்னம் ராசியிலும் நவாம்சதிலும் பாதிக்கப்படாமல் இருப்பதால் திடமான உடல்நிலை கொடுத்தது.

லக்னாதிபதி சந்திரன் பண்ணிறேண்டில் மறைந்து இருந்தாலும் குருவின் பார்வையையும் சனியின் பார்வையையும் பெறுவதால் திடமான மன நிலை பெற்றார்.

அற்பாயுள் ஏன் ?

ஆயுள் காரகன் சனி ஆறாம் வீட்டில் மறைந்ததாலும் சந்திரன் 12  ல் மறைந்ததாலும் அற்பாயுள் கொடுத்தது. அதாவது 32 வயது வரை வாழுமாறு செய்தது.


அளவுக்கு மிஞ்சிய ஆன்மீக அறிவு சிறு வயதிலேயே எப்படி ?

மன காரகன் சந்திரன் அறிவுக்கு உரிய கிரகம் புதன் வீட்டில் இருக்கிறான்.மேலும் புதன் கர்மஷ்தானம் என்று சொல்லப்படும் பத்தாம் வீட்டில் இருக்கிறான்.

கல்வி குரிய வீடு நாலாம் வீடு , இந்த நாலாம் வீட்டின் அதிபதி சுக்கிரன் பத்தாம் வீட்டில் புதனுடன் கூடி நிற்கிறான்.

பேச்சு ஸ்தான அதிபதி சூரியன் பத்தாம் வீட்டில் உச்சம் பெற்று உள்ளான்.

இப்படிப்பட்ட அமைப்பினால் தன்னுடைய தொழிலே கற்பதும் போதிப்பதும் என்று ஆனது. 

மேலும் பத்தாம் வீட்டில் கவிதை நாயகன் சுக்கிரன் மற்றும் புத்தி காரகன் புதன் மற்றும் பேச்சு காரகன் சூரியன் ஆகியோர் உள்ளதால் ஆன்மீக சம்பந்தப்பட்ட வழக்கு மேடைகளில் அறிவு பூர்வமாகவும் கவிதை நயத்துடனும் உரத்த குரலிலும் சொல்லும் அமைப்பு ஏற்பட்டது.

வாக்கு ஸ்தானத்தை குரு பகவான் பார்த்தால் ஆயிரம் ஆயிரம் எதிர்ப்பாளர்களுக்கு ஆக்க பூர்வமான பதில் கொடுக்கும் அமைப்பு கொடுத்தது 

Wednesday, July 17, 2013

ரமலான் புனித மாதம் - பேரரசர் அக்பர் ஜாதகம் - ஜோதிட மாமணி கலையரசன் , AKBAR THE GREAT - HOROSCOPE ANALYSIS - JOTHIDA MAMANI KALAIARASAN - Malar Jothida Araichi Nilayam

இந்த ரமலான் புனித மாதத்தில் இந்தியா வை  வெகு சிறப்பாக பல ஆண்டுகள் ஆட்சி செய்த பேரரசர் அக்பரின் ஜாதகத்தை ஆராய்ந்து பார்த்து வரலாற்றில் இடம் பெற அவர் ஜாதகம் எப்படி இருந்து இருக்கிறது  என்பதை பார்ப்போம்.



பேரரசர் அக்பர் அவர்கள் துலாம் லக்னம் மிதுன ராசியில் பிறந்து உள்ளார்.

லக்னத்தில் அழகுக்கு அதிபதி சுக்கிரன் ஆட்சி பெற்றும் யோககாரன் சனி உச்சம் பெற்றும் குருவும் கூடி நிற்கிறார்கள் . ஆகையால் அக்பர் அழகாகவும் உயரமாகவும் வலிமையான ஆண் மகனாக காட்சி அளித்தார்.

இவர் ஜாதகத்தில் ஒன்பதாம் இடம் என்று சொல்லப்படும் தந்தை ஸ்தானத்திற்கு ஒன்பதில் ராகு நிற்கின்ற காரணத்தால் இவரின் தந்தை அரசாட்சியில் இருந்து துரத்தப்பட்டு காட்டு வழியில் செல்லும் போது ஹிமயுனுக்கு அக்பர் பிறந்தார்.


மனதிற்கு காரணம் வகிக்கும் சந்திரன் எந்த பாவ கிரகத்தாலும் பாதிக்கப்படாமல் இருப்பதாலும் சுப கிரகம் புதனாலும் குருவாலும் பார்க்க படுவதால் இவரின் மனம் வலிமை படைத்தாக இருந்தது.

சந்திரன் பாதிக்கப்படாமல் இருப்பதால் இவர் கர்வம் இல்லாமலும் சதி செய்யும் எண்ணம் இல்லாமலும் நேர்மையாக இருக்குமாறு செய்தது.

ஆத்மா காரகன் சூரியன் எந்த பாவகிரகத்தின் பாதிப்பிற்கும்  உள்ளாகாமல் தனது நண்பன் செவ்வாய் வீட்டில் இருப்பதால் இவர் கருணை உள்ளம் மற்றும் அன்பு படைத்தவராக இருக்குமாறு செய்தது.

யோககாரன் சனி லக்னாதிபதியுடன் கூடி இருப்பது ராஜயோகம் மேலும் பத்தாம் அதிபதி ஒன்பதாம் வீட்டில் அமர்ந்து குரு பார்வை பெறுவதால் ராஜயோகம் .

செவ்வாய் பூமிகாரகன் அவன் நாலாம் வீட்டில் உச்சம் பெற்று உள்ளான். மேலும் செவ்வாய் ஏழாம் வீட்டின் அதிபதி அவன் நாலாம் வீட்டில் உச்சம் பெற்று 10,11 ம் வீட்டை பார்ப்பதால் மிக பெரிய ராஜ்யத்தை உருவாக முடிந்தது. 

ராஜ்புத் மகளை திருமணம் செய்து கொண்டு தனது ராஜ்யத்தை மேலும் விரிவாக்கினார். இதற்கு காரணம் ஏழாம் அதிபதி செவ்வாய் நாலாம் வீட்டில் உச்சம் பெற்றது தான். ஏழாம் அதிபதி நாலாம் வீட்டில் உச்சம் பெற்றால் வீடு வாகனம் சொத்து போன்றவை மனைவி மூலம் சேரும்.

விரோதிகளை குறிக்கின்ற ஆறாம் அதிபதி குரு பகவான் தனது பகைவன் சுக்கிரன் வீட்டில் இருப்பதாலும் லக்னாதிபதி சுக்கிரன் பலம் பெற்று இருப்பதாலும் செவ்வாய் உச்சம் பெற்று இருப்பதாலும் எதிரிகளை வெற்றி கண்டார். 

அக்பருக்கு மிக பெரிய சாம்ராஜ்யம் இருந்ததற்கான குறிப்புகள் கானபடுகிறது. அதற்கான காரணம் லாபாதிபதி சூரியன் இரண்டாம் வீட்டில் நிற்கிறான் மேலும் இரண்டாம் அதிபதி செவ்வாய் நாலாம் வீட்டில் உச்சம் பெற்று நிற்கிறான்.

ராகு தசா : 

பாவி ராகு பகவான் ஒன்பதுக்கு ஒன்பதில் இருப்பதால் தந்தை ஹுமாயுனுக்கு மரணம் சம்பவித்தது.

மேலும் ராகு சனியின் வீட்டில் இருப்பதால் சனியின் பலனை ராகு  கொடுக்க வேண்டும் . சனியோ யோககாரன் ஆகையால் தந்தை மரணத்திற்கு பிறகு அக்பருக்கு ராஜா பதவி கிடைத்தது.

குரு தசா :

குரு பகவான் ஆறாம் வீட்டுக்கு அதிபதி. லக்னாதிபதி ஆட்சி பெற்று பலம் பெற்று இருப்பதால் அணைத்து எதிரிகளையும் குரு தசாவில் அடக்கி வெற்றி கொண்டார் அக்பர்.

இந்த குரு திசாவில் தான் வட இந்தியாவின் பெரும் பகுதியை தன் கட்டுபாட்டுக்குள் கொண்டு வந்தார்.

குழந்தை பாக்கியம் :

குரு தசாவின் செவ்வாய் மற்றும் ராகு புத்தியில் அவருக்கு சலீம் மற்றும் முராடு என்ற இரண்டு பிள்ளைகள் பிறந்தார்கள். புத்திர ஸ்தானத்தில் இருக்கின்ற ராகு அவர்க்கு குழந்தை பாக்கியத்தை கொடுத்தார்.

சனி திசை 1591 வரை :

சனி பகவான் துலாம் ராசி கார்களுக்கு யோககாரன் இந்த நேரத்தில் இவர் அரசாட்சியை வலிமை படுத்தி நிர்வாகத்தை பலபடுத்தி தனது பெயரை வரலாறு சொல்லும் அளவுக்கு யோககாரன் சனி புகழின் உச்சிக்கே கொண்டு சென்றான்.

கவனிக்க வேண்டியது :

பாவிகள் ராகு வும் செவ்வாயும் ராகு வும் சனியும் செவ்வாயும் சனியும் ஒருவரை ஒருவர் பார்த்து கொள்ளவில்லை. மேலும் குருவும் சுக்கிரனும் மற்றும் புதனும் சந்திரனும் ஒருவரை ஒருவர் பார்த்து கொள்கிறார்கள்.

ஆகையால் மத ரீதியில் ஒரு இன கலவரம் கூட இவர் ஆட்சியின் போது உருவாக வில்லை. மதத்தில் தீவிரம் செலுத்தாமல் இருந்தார்.

அணைத்து மதத்திற்கும் சம உரிமை கொடுத்தார். மேலும் மதங்களுக்கு இடையே திருமணம் நடப்பதை ஆதரித்தார்.

ஒன்பதாம் அதிபதி புதன் மூன்றாம் வீட்டில் இருந்து இரண்டு பாவிகள் மத்தியில் இருப்பதால் அவர் மதத்தின் மீது பெரிதாக கவனம் செலுத்த வில்லை.

13-10-1605 அக்பரின் மரணம் : புதன் திசை சனி புத்தி :

புதன் சந்திரனுக்கு ஏழாம் வீட்டில் இருக்கிறான். ஏழாம் வீடு மரணத்தை கொடுக்கும். சனி எட்டாம் வீட்டிற்கு அதிபதி அவர் ஏழாம் வீட்டிற்கு அதிபதி குருவுடன் கூடி நிற்பதால் மரணத்தை கொடுத்து விட்டான்.



நன்றி , என்றும் அன்புடன் ......

ஜோதிஷ மாமணி கலையரசன் 

காட்டுமன்னார்கோயில்

Thursday, July 11, 2013

ஜோதிட சங்கம் நடத்திய விருது வழங்கும் விழா - ஜோதிஷ மாமணி கலையரசன் --- காட்டுமன்னார்கோயில், கடலூர் மாவட்டம்

திரு வாடிக்கையாளரே ,

உங்களை இம்மடல் மூலம் சந்திப்பதில் மிக்க மகிழ்ச்சி !!!!

2013 ஜூன் மாதம் 29 நாள் அன்று ஜோதிடர் சங்கம் சார்பில் நடத்தப்பட்ட    குரு பெயர்ச்சி விழாவில் நான் எழுதிய ஜோதிட கட்டுரைகள் மற்றும் ஜோதிட விளக்கம் ஆகியவற்றை பரிசீலித்த ஜோதிட துறை டாக்டர்கள் எனக்கு ஜோதிஷ  மாமணி விருது வழங்கி பாராட்டினார்கள் என்பதை மகிழ்ச்சியுடன் தெரிவித்து கொள்கிறேன்.



வாடிக்கையாளரின் நலன் கருதி ஒரு செய்தி !!!!

மேலும் உங்களுக்கு உங்கள் வாழ்வில் பிரச்சனையாக நினைக்கின்ற எந்த விஷயத்திற்கும் ஜோதிட ரீதியான விளக்கம் மற்றும் தீர்வு காண விரும்பினால்  நீங்கள் எங்களை  தொடர்பு கொள்ளுங்கள்.



நன்றி , என்றும் அன்புடன் ......

ஜோதிஷ மாமணி கலையரசன் 

காட்டுமன்னார்கோயில்


Friday, July 5, 2013

திருமணம் உறவிலா ? அன்னியத்திலா ? விளக்கம் - ஜோதிஷ மாமணி கலையரசன் - jothida malar




ஒருவர் ஜாதகத்தில் ஏழாம் அதிபதி ஒன்று முதல் ஏழு வீடுகளுக்குள் அமையபெற்று , களத்திர காரனகிய சுக்கிரனும் லக்னத்தை நெருங்கி இருந்தால் சிறு வயதில் அதாவது குறிப்பிட்ட பருவத்தில் திருமணம் ஆகும். இல்லாவிடில் காலம் கடந்து திருமணம் ஆகும்.

ஏழாம் வீட்டில் அசுபர் அமைய பெற்று அசுபர் பார்வை செய்தால் நல்ல முறையல் திருமணம் ஆகாது. அது போல உறவில் திருமணம் ஆக தடை கொடுக்கும்.

ஏழில் புதன் இருந்தால் மாமன் வழியில் மணம் உண்டாகும். ஏழாம் அதிபதியும் புதனும் சேர்ந்து குடும்பாதிபதியுடன் இணைந்து காணப்பட்டால் மாமன் மகளை மணம் செய்து கொள்ளும் மகிழ்ச்சியான அமைப்பு கொடுக்கும்.


ஏழாம் அதிபதி செயவ்வாய் யுடன் சேர்க்கை பெற்று அல்லது செவ்வாய் பார்வை பெற்றால் சகோதரி பெண்ணை திருமணம் செய்து கொள்ளும் அமைப்பு கொடுக்கும்.

ஏழாம் அதிபதி நான்காம் வீட்டு அதிபதி உடன் இணைந்து காணபட்டாலும் அல்லது பார்வை பெற்றாலும் தாய் வழி உறவில் திருமணம் செய்து கொள்ளும் அமைப்பு உண்டாகும்.

ஏழாம் வீட்டிற்கு சந்திரன் தொடர்பு இருந்தால் தாய் வழி உறவில் திருமணம் கொடுக்கும்.

ஏழாம் அதிபதி ஒன்பதாம் அதிபதி யுடன் இணைந்து காணபட்டாலும் ஒன்பதாம் அதிபதியால் பார்க்க பட்டாலும் அல்லது சூரியன் தொடர்பு இருந்தாலும் தந்தை வழி யில் தான் திருமணம் நடைபெறும்.

குறிப்பாக அத்தை மகளை கைபிடிக்கும் அமைப்பு உண்டாகும்.

முன் பக்கம் செல்                                      கட்டன சேவை

Wednesday, June 26, 2013

ஏழில் கேது திருமண தடையா ? ஜோதிட ரீதியான விளக்கம் JYOTHISHA MAMANI KALAIARASAN -ஜோதிட மலர்



சில ஜோதிடர்கள் கேது வை ஏழாம் வீட்டில் பார்த்ததுமே திருமணம் நடக்காது என்று கூறுவதை கண்டு இருக்கிறேன். ஆனால் உண்மையில் பல ஜாதகத்தை ஆராய்ச்சி செய்து பார்த்ததில் ஏழாம் வீட்டில் கேது இருந்தும் திருமணம் நடந்து நன்றாக வாழ்வதை காண முடிகிறது.

பொதுவாக கேதுவை துறவி கிரகம் என்று கூறுவதுண்டு. ஆகையால் ஏழாம் வீட்டில் கேது இருந்தால் மண வாழ்வு அமையாது என்று நினைகிறார்கள்.

உண்மையில் ஏழாம் வீட்டில் கேது இருப்பது மிக கடுமையான தோஷம் இல்லை.

ஏழாம் வீட்டில் கேது இருந்து அந்த கேதுவை குரு பகவான் பார்த்து விட்டால் அவன் மண முடிந்து நல்ல பிள்ளைகளையும் பெற்று எடுப்பான்.

மேலும் சுக்கிரன் பலமாக இருந்தால் ஏழாம் வீட்டில் கேது இருந்தாலும் திருமணத்தை முடித்து கொடுப்பான்.

ஏழாம் வீட்டில் கேது இருந்து அவனுடன் சூரியனும் சேர்ந்து இருந்தால் மண வாழ்க்கை உண்டு. இருபினும் கொஞ்சம் மனவருத்தம் கணவன் மனைவி இடையே தோன்றும்.

ஏழாம் வீட்டில் செவ்வாய் கேது இருந்தாலும் மண கசப்பு மற்றும் தகராறு கொடுக்குமே தவிர மண வாழ்க்கை இல்லாமல் போகாது.

எது எப்படி இருபினும் குரு பார்வை கிடைத்து விட்டால் மண வாழ்க்கை நன்றாக அமையும்.

கேது ஏழாம் வீட்டில் இருந்து கொண்டு மண முடிக்க கால தாமதம் கொடுப்பான் இதை மறுக்க முடியாது. இருபினும் 31 வயதை தாண்டி விட்டால் பெரிய கெடுதி இல்லை.

கட்டன சேவைக்கு இங்கே கிளிக் செய்யுங்கள்

Sunday, June 2, 2013

பகவான் ஸ்ரீ ரமண மஹரிஷி ஜாதகம் - தர்மகர்மாதிபதி யோகம் -மோட்சம் - Ramana maharshi ஜோதிட விளக்கம் ஜோசியர் கலையரசன் , கடலூர் ஜோதிடர் கலையரசன்


பகவான் ஸ்ரீ ரமண மஹர்ஷி 1879 இல் பிறந்தார். இவரின் ஜாதகத்தில் லக்னம் வர்கோத்தமம் பெற்றும் குரு பார்வை பெற்றும் இருப்பதால் ஜாதகம் பலமாக இருப்பதை உணர முடிகிறது.

லக்னாதிபதி சுக்கிரன் புதனுடன் சேர்ந்தான் மிதமான உயரம் கொடுத்தான்.

சூரியனும் சந்திரனும் சுப கிரகத்தின் வீட்டில் அமர்ந்து தெய்வீக கிரகமான ராகு உடனும் கேது உடனும் சேர்ந்ததால் அவரின் கண்ணில் ஒரு தெய்வீக ஒளி இருந்தது.

( சந்திரனும் சூரியனும் கண்களை குறிக்கும் கிரகம் )

லக்னத்திற்கு நாலாம் அதிபதி சனி ஆறாம் வீட்டில் மறைந்தான் . சந்திரனுக்கு நாலாம் வீட்டை சனி பார்த்தான் . செவ்வாய் தனது எட்டாம் பார்வையால் கல்விகாருகன் புதனை பார்க்கிறான். கல்வியில் சாதாரணமான மந்தமான மாணவனாக இருக்குமாறு செய்தான்.

மூன்றாம் வீட்டில் பாவிகள் இருந்தாலும் சந்திரனுக்கு மூன்றாம் வீட்டில் குரு பார்வை இருப்பதால் சகோதரர்களுடன் பிறக்கும் அமைப்பு ஏற்பட்டது.

சந்திரன் வர்கோத்தமம் பெற்று சுப கிரகத்தின் வீட்டில் இருப்பதாலும் குரு பார்வை இருப்பதாலும் தாய் நீண்ட ஆயுளுடன் இருந்தார்.

யோககாரன் சனி ஆறாம் வீட்டில் மறைந்ததால் ஒரு முனிவன் தன்னை உணர எவ்வளவு கஷ்டத்தை அனுபவிக்க வேண்டுமோ அத்தனை கஷ்டத்தையும் அடைந்தார்.

அணைத்து காம உணர்ச்சிகளையும் தெய்வீக பக்கம் திருப்ப ஒவ்வொரு முனிவனும் படும் கஷ்டத்தை இவரும் அடைந்தார்.

ஏழாம் வீட்டில் இருக்கும் செவ்வாய் கேது என்ற தெய்வீக கிரகத்தின் சாரத்தில் இருப்பதாலும் காம காரகன் சுக்கிரன் ஒன்பதாம் அதிபதி ( தர்மாதிபதி ) உடன் சேர்ந்ததால் தனது ஆசா பாசம் அனைத்தையும் இறைவன் பக்கம் திருப்புமாறு செய்தது.

தர்மஸ்தானம் என்று சொல்லபடுகின்ற ஒன்பதாம் வீட்டில் இருக்கும் குரு சந்திர லக்னத்தை பார்ப்பதால் காம சுகத்தில் ஈடுபாடு இல்லாமல் போனது. மனம் முழுவதும் தெய்வீக பக்கம் திரும்பியது.

லக்னாதிபதி சுக்கிரன் 9,12 என்று சொல்லபடுகின்ற தர்மஸ்தானம், மோட்ச ஸ்தானம் அதிபதி புதனுடன் சேர்ந்து நிற்பதால் மோட்சம் பெரும் வழியில் மனமும் உடலும் சென்றது.

லக்னாதிபதி எட்டாம் வீட்டை பார்பதாலும் ஆயுள்காரகன் சனி சுப கிரகத்தின் வீட்டில் இருப்பதாலும் நீண்ட ஆயுள் கொடுத்தது.

தந்தை கிரகம் ராகு வுடன் கூடி மூன்றாம் வீட்டில் மறைந்ததாலும் செவ்வாய் மற்றும் சனி போன்ற பாவிகள் பார்வை பெறுவதாலும் சிறு வயதிலேயே தந்தையை இழக்கும் நிலை உண்டானது.

சூரியனும் சந்திரனும் ஆத்மாவையும் மனதையும் குறிக்கும். இவைகள் சுபகிரகத்தின் வீட்டில் இருப்பதால் ஆத்ம வித்தையையும் திடமான மனதையும் பெற்றார்.

ஆத்மா காரகன் சூரியனுடன் ராகு சேர்ந்தாலும் ஆவல் மற்றும் இச்சை இவற்றை குறிக்கும் கிரகம் செவ்வாய் ஏழாம் வீட்டில் இருப்பதாலும் இறை உணர்வை அடையும் பாதையில் பல போராட்டத்தை சந்திக்க செய்தது .
( மனதளவில்)

தந்தை மரணம் : 1892 சுக்கிர புத்தி சனி திசா :

சனி , தந்தை ஸ்தானம் என்று சொல்லப்படும் ஒன்பதாம் வீட்டிற்கு 2இல் உள்ளான். இரண்டாம் வீடு மாரகஸ்தானம் . மேலும் சுக்கிரன் 9 ம் அதிபதி புதனுடன் கூடி மாரகஸ்தானம் என்று சொல்லப்படும் 2ம் வீட்டில் உள்ளான். மரணத்தை தந்தைக்கு கொடுத்து விட்டான்.

வீட்டை விட்டு வெளியேறி அருணாச்சலேஸ்வரர் ஆலயம் அடைந்த நாள் :

29 ஆகஸ்ட்  1896 . சனி திசா செவ்வாய் புத்தி :

சனியோ யோககாரன்  , செவ்வாய் யோ லக்னத்திற்கு ஏழாம் வீட்டில் ஆட்சி பெற்று ருச்சக யோகம் பெற்று இருக்கிறான்.

சனியும் குருவும் அதாவது 9 ம் அதிபதியும் 10 ம் அதிபதியும் பரிவர்த்தனை பெற்று தர்மகர்மாதிபதி யோகம் பெற்று உள்ளனர்.

தெய்வீக கிரகங்கள் யோகத்தில் ஈடுபட்டதால் சிறு வயதிலேயே ஆன்மா தேடி தன்னில் உணர்ந்தார்.

அண்ணன் மரணம் : சனி திசா ராகு புத்தி :

3  ம் வீட்டில் சூரியனும் ராகுவும் இருக்கிறான் . 3 ம்  இடம் சனி பார்வை பெறுகிறது. மூன்றாம் இடமோ சகோதர ஸ்தானம். இந்த ஸ்தானத்தை சனியும் ராகுவும் கெடுப்பதால் சகோதரனுக்கு மரணத்தை கொடுத்து விட்டான்.

அம்மாவின் மரணம் : கேது திசை சந்திர புத்தி : 

கேது சந்திரனுடன் கூடி இருக்கிறான். கேது வால் பாதிக்க பட்ட சந்திரன் , கேது திசா சந்திர புத்தியில் தாய்க்கு மரணத்தை கொடுத்து விட்டான்.

மகரிஷியின் மரணம் : சூரிய தசா சனி புத்தி :

7 ம் வீட்டில் இருப்பவன் மரணத்தை கொடுப்பான். சந்திரனுக்கு 7 ம் வீட்டில் இருக்கும் சூரிய தசாவில் சந்திரனுக்கு 7 ம் வீட்டில் இருக்கும் சனி ( நவாம்சத்தில் ) மரணத்தை கொடுத்து விட்டான்.

மோட்சம் :

10 ம் அதிபதி ஆத்மா காரகன் என்று அழைக்கபடுகிறான். 10 ம் அதிபதி நவாம்சத்தில் எங்கு இருக்கிறானோ அது காரகாம்சம் என்று அழைக்கபடுகிறது.

காரகாம்சம் இக்கு 12இல் கேது இருந்தால் அவன் கண்டிப்பாக மோட்சம் அடைவான் என்று ஜைமினி சாஸ்திரம் கூறுகிறது.

இவருக்கும் இதே அமைப்பு தான். சந்திரனுக்கு 12 இல் கேது நவாம்சத்தில் இருக்கிறான். ஆகையால் மோட்சம் கிட்டியது.

தர்ம கர்மாதிபதி யோகம் , கும்பம் மற்றும் மீனம் போன்ற தெய்வீக வீட்டில் உருவானதால் ஆத்ம வித்தையை முற்றிலும் அறிய வைத்தது.

9 ம் அதிபதி புதன் இரண்டாம் வீட்டில் விருச்சகத்தில் இருப்பதால் தன்னை தானே கேள்விகள் கேட்டும் தன் உள்ளே உள்நோக்கி பயணம் செய்தும் நான் யார் என்பதை உணர்ந்தார்.

இறுதியாக நான் ஆத்மா என்பதை உணர்ந்தார்.





Tuesday, May 21, 2013

ஆறாம் இடமும் ஆரோக்கியமும் MEDICAL ASTROLOGY, நோய் நொடி கடன் எதிரி விபத்து ஆறாம் பாவம் ஆறாம் வீடு 6 th house analysis by cuddalore jothidar kalaiarasan

ஆறாம் இடத்தை வைத்து ஒரு மனிதன் அனுபவிக்கும் நோய் , எதிரி மற்றும் கடன் இவற்றை அறிய முடியும். மேலும் சிறை தண்டனை கூட இந்த இடத்தை வைத்து கூற முடியும்.

ஆறாம் வீட்டில் பாவகிரகங்கள் இருந்தால் ஒரு மனிதனுக்கு எதிரிகள் குறைவாக இருப்பார்கள். அதுவே சுப கிரகம் அங்கே இருந்தால் அனேக எதிரிகளை எதிர்கொள்ளும் நிலை கொடுக்கும்.

ஆறாம் அதிபதி லக்னத்தில் சூரியனுடன் சேர்ந்து இருந்தால் அவனுக்கு கண்டிப்பாக தலையில் கொப்பளங்கள் வரும் அமைப்பு உண்டு.

ஆறாம் அதிபதி சுக்கிரனுடன் கூடி லக்னத்தில் இருந்தால் கண்ணில் நோய்கள் வந்த வண்ணம் இருக்கும்.

ஆறாம் வீட்டில் சனி ராகு கேது போன்ற பாவிகள் இருந்தால் அடிகடி நோய்வாய் படும் அமைப்பு உண்டு.

செவ்வாய் ஆறாம் வீட்டில் இருந்து ஆறாம் அதிபதி எட்டாம் வீட்டில் இருந்தால் ஆறாம் வயதிலும் பன்னிரெண்டாம் வயதிலும் கடுமையான ஜுரம் வரும்.

குருவும் சந்திரனும் சேர்ந்து ஆறாம் வீட்டில் இருந்தால் ஒருவன் இருபது வயதில் பெரு வியாதி அல்லது தொழு நோய் பெற்று அவதிபெருவான்.

ஆறாம் வீட்டில் ராகு இருந்து லக்னாதிபதி எட்டாம் வீட்டில் இருந்தால் ஒருவன் நீர்சம்பந்தமான நோய்வாய் 26 வயதில் பெறுவான்.

ஆறாம் அதிபதியும் பன்னிரெண்டாம் அதிபதியும் பரிவர்த்தனை பெற்றால் ஒருவன் தனது முப்பது வயதில் பெருங்குடல் நோய் அல்லது வயிற்றுவலி நோயால் அவதிபடுவான். மேலும் 31 ம் வயதிலும்  40 ம் வயதிலும் பெரிய பண விரயம் கொடுக்கும். 

லக்னாதிபதி எட்டாம் வீட்டில் மறைந்தால் கீல்வாதம் அல்லது RHEUMATIC நோயால் அவதிப்படும் வாய்ப்பு உண்டு.

ஆறாம் வீட்டில் சனியும்  எட்டாம் அதிபதியும்  இருந்து லக்னத்தில் பன்னிரெண்டாம் அதிபதி இருந்தால் காட்டு விலங்குகளால் ஆபத்து ஏற்படுமோ என்ற பயம் மனத்தில் எப்போது இருக்கும்.

சூரியன் ஆறாம் வீட்டிலோ அல்லது எட்டாம் வீட்டிலோ இருந்து சூரியனுக்கு பண்ணிறேண்டில் சந்திரன் இருந்தால் 5 ம் வயதிலோ அல்லது  12 ம் வயதிலோ நீரால் கண்டம் வரும்.

ஆறாம் பதிபதியும் குருவும் ஆறாம் வீட்டில் இருந்து பன்னிரெண்டாம் அதிபதி லக்னத்தில் இருந்தால் பெற்ற மகனே எதிரியாக வருவான்.

ஆறாம் வீட்டில் சந்திரனும் செவ்வாயும் சேர்ந்து நின்றால் மஞ்சள்காமாலை வரும் அமைப்பு உண்டு.

லக்னாதிபதி பலம் இழந்து ஆறாம் வீட்டில் சனி அல்லது செவ்வாய் இருந்து ராகு அல்லது சூரியன் பார்த்தால் நெடுநாள் வியாதி வரும்.

ஆறாம் வீட்டில் சனியும் மாந்தியும் இருந்து சூரியன் (அ) ராகு (அ) செவ்வாய் பார்வை பெற்றால் இதயம் அல்லது நுரையீரல் சம்பந்தப்பட்ட நோய் வரும்.

ஆறாம் வீட்டில் சூரியன் இருந்து சனியின் பார்வை பெற்றால் இதயம் பாதிக்கும்.

ஆறாம் வீட்டில் சந்திரன் இருந்தால் சிறு வயதில் பல நோய் கொடுக்கும். மேலும் செவ்வாய் (அ) சனி இவர்கள் பார்வை பெற்றால் தீராத நோய் கொடுக்கும். வயற்று சம்பந்த நோய்கள் கொடுக்கும்.

ஆறாம் வீட்டில் செவ்வாய் இருந்தால் விபத்து கொடுக்கும். சனி பார்வை பெற்றால் சிகிக்கை செய்யும் போது மரணம் சம்பவிக்கும். அல்லது விலங்குகளால் மரணம் சம்பவிக்கும். ராகுவும் செவ்வாயும் சேர்ந்து ஆறாம் வீட்டு சம்பந்தம் பெற்றால் தற்கொலை எண்ணம் இருக்கும். கேது வும் செவ்வாயும் ஆறாம் வீட்டு சம்பந்தம் பெற்றால் விஷ உணவால் மரணம் சம்பவிக்கும்.

ஆறாம் வீட்டில் புதன் இருந்து பாவி சேர்க்கை பெற்றால் நரம்பு மற்றும் மூலை சம்பந்த உள்ள நோய் வரும். 

ஆறாம் வீட்டில் குரு இருந்தால் பாவிகள் சேர்க்கை பெற்றால் அதிக ஈடுபாட்டின் காரணமாக நோய்கள் வரும்.

சுக்கிரன் ஆறாம் வீட்டில் இருந்தால் காம சம்பந்த பட்ட நோய்கள் வரும்

சனி ஆறாம் வீட்டில் இருந்து செவ்வாய் பார்வை பெற்றால் ஆபத்தான நோய்கள் வரும். ராகுவும் சனியும் சேர்ந்தால் மன நோய் வரும்.

ஆறாம் வீட்டில் ராகு இருந்து சனி அல்லது சந்திரன் சேர்க்கை பெற்றால் மன நோய் வரும் அமைப்பு உண்டு.

Wednesday, May 8, 2013

மரணம் எப்போது வரும் - ஜோதிட ரீதியான விளக்கம் .WHEN DEATH OCCURS ? ASTROLOGICAL EXPLANATION BY ASTROLOGER jyothisha mamani KALAIARASAN, KATTUMANNARKOIL JOTHIDA NILAYAM


" மரணம் என்பது தோல்வியோ அல்லது துக்கமான சம்பவமோ இல்லை.தனது கர்மங்கள் அனைத்தையும் செய்து முடித்த ஒருவனுக்கு அது மோட்சம் என்றும் கர்மங்களை முழுவதும் செய்து முடிக்காமல் இறந்தவனுக்கு அது மருபிறவிக்கான ஆரம்பம் என்றும் அழைக்கபடுகிறது."

                                                                ---- கலையரசன் காட்டுமன்னார்கோயில்
                                                                      ( கீதையை படித்ததில் உணர்ந்தது )


மேலே ஒரே குடும்பத்தை சார்த்த தந்தை தாய் மகன் ஆகிய மூவரின்  ஜாதகங்களை எடுத்துக்கொண்டு  எவ்வாறு மரணம் சம்பவித்தது என்று ஆராய்ச்சி செய்ததில் ஜோதிட விதிகள் எந்த அளவுக்கு துல்லியமானவை என்பதை அறிய முடிகிறது.

முதலில் தந்தை ஜாதகம் ( CHART -1 ) :

தந்தை ஜாதகத்தில் ஏழாம் இடத்தில் சனி இருக்கிறான். ஆகையால் மனைவிக்கு கண்டம் கொடுக்க வேண்டும். 

மேலும் ஏழாம் வீட்டை பாவி செவ்வாய் பார்க்கிறான். இந்த செவ்வாயும் மனைவிக்கு கண்டம் கொடுக்க வேண்டும்.

ஏழாம் அதிபதி குரு 12 ம் வீட்டில் மறைந்து விட்டார். 

மனைவிக்கு அதிபதியான கிரகம் சுக்கிரன் நீச்சம் பெற்று லக்னத்தில் இருக்கிறான். மேலும் நீச்சம் பெற்ற சுக்கிரனை சனி பார்க்கிறான்.

இப்படி மனைவிக்கு பல கண்டம் இவரின் ஜாதகத்தில் உள்ளது.

மேலும் இவருக்கு சந்திர திசை சுக்கிர புத்தி நடைபெறுகிறது.

சந்திரனும் நீச்சம் சுக்கிரனும் நீச்சம் சுக்கிரன் குரு வுக்கு இரண்டாம் வீட்டில் இருக்கிறான். 

ஜோதிட சாஸ்திரப்படி 2,7  வீட்டிற்கு அதிபதியும் 2,7 வீட்டில் இருப்பவர்களும் மரணத்தை கொடுப்பார்கள்.

இங்கே மனைவி இக்கு உரிய கிரகம் குரு அவருக்கு இரண்டாம் வீட்டில் நிற்கின்ற நீச்சம் பெற்ற சுக்கிரன் புத்தியில் மனைவி இறந்து விட்டாள்.

மனைவி யின் ஜாதகம் ( CHART -2 ): 

இந்த பெண்ணின் ஜாதகத்தை பார்த்த உடனேயே தெரிகிறது. 

இவள் அற்ப ஆயுள் உள்ள பெண் என்று.

பாருங்கள் லக்னாதிபதி சுக்கிரன் நீச்சம் பெற்று மறைவு ஸ்தானமாக 12 ம் வீட்டில் மறைந்து விட்டான்.

மேலும் பாவிகள் கேது மற்றும் சூரியனுடன் சேர்ந்து மறைந்து விட்டான்.

ஆயுள் கொடுக்ககூடிய சனி மேஷத்தில் நீசம் பெற்று விட்டான்.

ஆயுளை பலபடுதும் எட்டாம் அதிபதி சுக்கிரன் நீச்சம் பெற்றும் 12 ம் வீட்டில் மறைந்தும் கிடக்கிறான்.

இப்படி பட்ட சூழ்நிலையில் இந்த பெண்ணுக்கு 

செவ்வாய் திசை சனி புத்தி வந்தது.

செவ்வாயோ 2 ,7 ம் வீட்டின் அதிபதி . நான் முன்பே சொன்னது போல 2,7  ம் வீட்டின் அதிபதிகள் மரணத்தை கொடுப்பார்கள் .

புதன் மறைவு ஸ்தானமான 12 ம் வீட்டிற்கு அதிபதி . இந்த புதன் புத்தியும் மரணத்தை கொடுக்க வேண்டும்.

செவ்வாயும் புதனும் சேர்ந்து மரணத்தை கொடுத்து விட்டார்கள்.

பாருங்கள் ... கணவன் ஜாதகத்தில் மனைவி கிரகம் குரு விற்கு இரண்டாம் வீட்டின் சுக்கிரன் புத்தியும் நடந்து எப்படி மரணத்தை கொடுத்து விட்டது.

மகன் ஜாதகம் ( CHART -3 ) :

மூன்றாவது ஜாதகத்தை பாருங்கள் 

தாய் வீடு என்று சொல்லப்படும் நாலாம் வீட்டில் ராகு நிற்கிறான்.

நாலாம் வீட்டிற்கு உரிய சூரியன் 12 ம் வீட்டில் உச்சம் பெற்று மறைந்து கிடக்கிறான். மேலும் 

பகைவன் சனியுடன் கூடியும் பாவி செவ்வாய் யுடன் கூடியும் நிற்கிறான்.

தாய் குரிய கிரகம் சந்திரன் செவ்வாயால் பார்க்கபடுகிறான். 

இந்த அமைப்பினால் நல்ல தாய் கிடைத்தாலும் அவள் ஆயுள் தீர்க்கமாக இல்லாமல் போனது. 

இந்த பையன் ஜாதக படி சனி திசை செவ்வாய் புத்தி நடைபெறும் போது தாய் இறந்தாள்...

சனி,  தாய் வீட்டிற்கு 7 ம் வீட்டின் அதிபதி . மேலும் செவ்வாய் தாய் கிரகம் சந்திரனை மறைவு ஸ்தானம் என்று சொல்லப்படும் 12 ம் வீட்டில் இருந்து பார்க்கிறான்.

பாருங்கள் ஏழாம் வீடு ஒருவனுக்கு மனைவி கூட்டு தொழில் பயணம் இவற்றை கொடுத்தாலும் நேரம் வரும் போது மரணத்தை கொடுப்பவனும் இந்த ஏழாம் வீட்டுக்காரன் தான்.